Skilmálar

Síðast uppfært: 4. október 2026

Vörur og verð

Verð í vefverslun Lasersmiðjunnar eru með inniföldum 24% vsk. Sendingarkostnaður bætist ofan á verð vörunnar áður en greiðsla fer fram. Lasersmiðjan býður upp á að fá vöruna senda með Póstinum og tekur sendingartíminn að jafnaði 2-4 virka daga, mismunandi eftir því hvar þú býrð.

Við gerum okkar besta til að verð og vörulýsingar á síðunni séu réttar. Ef villa kemur upp, til dæmis rangt verð, látum við þig vita og þú getur valið um að halda pöntuninni á réttu verði eða fá hana endurgreidda að fullu.

Margar af vörunum okkar eru unnar úr náttúrulegum efnum eins og tré og steini. Litur og áferð geta því verið örlítið frábrugðin myndunum á síðunni og engar tvær vörur eru alveg eins.

Pantanir

Pöntun er staðfest þegar greiðsla hefur borist. Lasersmiðjan áskilur sér rétt til að hafna eða hætta við pöntun, til dæmis ef vara er uppseld eða verð hefur verið rangt skráð. Ef pöntun er felld niður eftir að greiðsla hefur borist færðu hana endurgreidda að fullu.

Afhending og sending

Við bjóðum upp á afhendingu um allt land og getur afhendingartími verið mismunandi eftir staðsetningu. Lasersmiðjan gefur sér 2-6 virka daga í að afgreiða vörur, eftir því um hvaða vöru er að ræða. Sérpantanir geta tekið lengri tíma og látum við þig þá vita.

Um pantanir sem sendar eru með Póstinum gilda afhendingar-, ábyrgðar- og flutningsskilmálar Póstsins. Lasersmiðjan ber því ekki ábyrgð á týndum sendingum eða tjóni sem kann að verða á vöru eftir að Pósturinn hefur tekið við henni.

Sérpantanir og sérmerktar vörur

Sérpantanir og vörur sem eru sérmerktar eða grafnar eftir þínum óskum eru unnar sérstaklega fyrir þig. Þess vegna er ekki hægt að skila þeim eða fá þær endurgreiddar, nema varan sé gölluð eða ekki í samræmi við pöntunina.

Gott er að fara vel yfir texta, nöfn, dagsetningar og stafsetningu áður en pöntun er send. Við gröfum það sem okkur er sent og berum ekki ábyrgð á villum sem koma fram í pöntuninni sjálfri.

Ef þú sendir okkur mynd, merki eða annað efni til að grafa staðfestir þú að þú hafir rétt til að nota það.

Skil og endurgreiðsla

Viðskiptavinur Lasersmiðjunnar hefur 14 daga skilarétt frá móttöku vörunnar. Varan þarf að vera ónotuð og í upprunalegu ástandi. Við endurgreiðum verð vörunnar ásamt upphaflegum sendingarkostnaði, en viðskiptavinur greiðir sjálfur kostnað við að senda vöruna til baka. Við skil á vöru er miðað við upprunalegt verð hennar, nema viðkomandi vara sé á útsölu eða á sértilboði við vöruskil, þá er miðað við verð vörunnar þann dag sem henni er skilað. Reikningskvittun fyrir vörukaupunum þarf að fylgja með vöruskilum.

Skilaréttur gildir hvorki um vörur sem keyptar eru á útsölu né um sérpantaðar eða sérmerktar vörur.

Ábyrgð og ábyrgðartakmarkanir

Við berum ábyrgð á göllum í framleiðslu en berum ekki ábyrgð á skemmdum sem verða vegna rangrar notkunar eða eðlilegs slits. Ef vara er gölluð skal hafa samband við okkur eins fljótt og auðið er og við finnum lausn.

Persónuvernd

Við virðum persónuvernd viðskiptavina okkar og förum með allar persónuupplýsingar í samræmi við gildandi lög. Við seljum ekki persónuupplýsingar og deilum þeim aðeins með þeim sem þurfa á þeim að halda til að afgreiða pöntunina, eins og Póstinum og greiðsluþjónustu.

Lög og varnarþing

Skilmálar þessir eru í samræmi við íslensk lög. Rísi mál vegna þeirra skal það rekið fyrir Héraðsdómi Reykjavíkur.

Samskipti

Fyrir frekari upplýsingar eða fyrirspurnir getur þú haft samband við okkur símleiðis, sent okkur tölvupóst á lasersmidjan@lasersmidjan.is eða haft samband hér á heimasíðunni okkar.

Takk fyrir að versla við Lasersmiðjuna.